November 20th, 2008 高清的困惑
家裏 VHS 壞了，DVD player 也壞了，終於老豆想換機，想追上高清潮流，於是一齊研究下，但係發現原來：
1. 現在有機頂盒（高清電視解碼器）連帶 harddisk，可以將電視節目錄影。但係只可以錄在 harddisk，冇得燒 DVD。
2. 現在有 DVD Recorder 可以燒 DVD，如果你想將高清的電視節目燒 DVD，你要買機頂盒 + DVD Recorder。但係 DVD Recorder 其實只可以錄倒 DVD+-R，即是 720×576 的低清解像度，其實錄唔倒高清質素。
3. 現在有 Blu-ray player 可以播放高清的 Blu-ray 碟。有 SACD player 可以播放 hi-fidelity 音質的唱片。但是很少又可以播放 Blu-ray，又可以播放 SACD 的機。
4. 大多數 stand-alone 的 DVD recorder 只可以燒 DVD-R，是不可以燒 CDR 的。
5. 雖然 HD-DV 可以拍攝高清/標清的電影，但是民用的所有 DVD recorder 只能夠燒錄低清的質素。咁即使我擁有一部高清的攝錄機，理論上我可以拍攝 1940 x 1080 的高質素畫面，我在電腦裏面也可以炮製高清的 mov / avi 檔案，但只限於電腦螢幕觀看，如果製作成 DVD，一樣是低清的 (720 x 576)。
6. 雖然很多 portable sound recorder 可以錄製 96kHz, 24bit 的聲音檔案，但是民用電腦只能夠製作 CD，卻不能夠製作 SACD。咁我即使擁有咁高質素的錄音機，如果我只能用自己的電腦去燒碟，最後也只是製作普通的 44.1kHz, 16bit 的 CDR 而已。
我的疑問是：
- 為何不可以有一部機，可以同時有機頂盒的功能（收看高清電視），可以播放高清電影(blu-ray)，又可以播放 SACD 呢？真的是魚與熊掌，不能兼得？除非你使左幾千蚊買完條魚，再使幾千蚊買隻熊掌？
於是做成一個有趣的現象，如果你喜歡追趕 AV 高科技的潮流，你乜都想玩，你的電視旁邊會有一大堆盒，電視機頂盒、now 電視、有線電視、XBox、PS3、Wii、Blu-ray、SACD….為甚麼不可以發明一部機，可以做晒所有野？
- 除非我可以自己土法製作高清的 Blu-ray / SACD，若果不可以，那麼高清的攝錄機 / 錄音機，對我又有何用？
p.s. 發現原來真係有部 panasonic 機可以燒 Blu-ray 碟，但係價格在萬元以上。
November 22nd, 2008 at 12:23 am
＞1. 現在有機頂盒（高清電視解碼器）連帶 harddisk，可以將電視節目錄影。但係只可以錄在 harddisk，冇得燒 DVD。
返回VHS年代。
其實有人研究到方法將呢d錄影格式轉返通用格式，咁就可以燒返出黎。
＞3. 現在有 Blu-ray player 可以播放高清的 Blu-ray 碟。有 SACD player 可以播放 hi-fidelity 音質的唱片。但是很少又可以播放 Blu-ray，又可以播放 SACD 的機。
應該係得一部PS3咁大把，仲要舊年開始出既新機已經抽起SA-CD功能。即係無。
＞為何不可以有一部機，可以同時有機頂盒的功能（收看高清電視），可以播放高清電影(blu-ray)，又可以播放 SACD 呢？
電視解碼搭返落電視就順理成章（愈黎愈多了），電視解碼走去搭易影碟機+唱機就真係未諗過。
老豆教落，愈多合一既野愈易壞／壞左愈難整。
識得玩呢d野既人都係玩家，玩家係唔會貪方便，中意自己配搭中意「懶專業」（如某雜誌一av寫手自介就有句「堅持影音分家」）。普通人話之你DVD定Blu-ray，VCD都照睇。
將高規格既野多合一既野普通人無興趣，發燒友都唔會有興趣，出黎做乜？
當年VHS係平民玩家都用既規格，但係二合一電視機一直乏人（包括廠家、用家雙方）問津。呢個都係一個啟示。
又，點解當年無人出過黑膠+VHS＋魚骨天線呢？
November 23rd, 2008 at 5:44 pm
（唔響自己度覆，費事惹麻煩，咁樣九唔搭八reply好似安全d）
未經證實傳聞：
點解AD響11/17「爆」，係因為SU響11/15主動邀請AD做晒採訪同拍照。
如此言屬實，咁即係：
1）SU比大家早做道，但佢地既做法唔係立即向大家公佈，而係搵傳媒做野，然後製造出：「又係睇AD先知自己屋企有事。」既情況（唔少朋友響呢單野對頭目同山寨反感就係因為呢個原因，然後好自然企埋響SU果邊）。
2）11/17頭目會見大家呢單野我唔知係突發定係早安排，照道理頭目唔會隨傳隨到，即有可能係SU明知果日頭目會見大家，所以搵野響果日爆。
（聲明：一切接傳聞靠估而已）
不過，頭目公開晒咁講，報紙又報電台又播有晒black and white有晒錄音，都仲認為頭目係睜大眼講大話呃大家，SU係咪真係咁有把握頭目已經傻到以為大家一年後會無左件事？或者佢地認為頭目蠢到以為自己響七百萬人前呃幾萬人（仲要一年後就知真假）對佢將來響呢一行發展係無影響？
雖然，經驗話俾我地知權力係會令人蠢，但會唔會蠢到咁就真係有點懷疑。
November 23rd, 2008 at 5:57 pm
順手問多句：咁你解決左買野問題未？
November 23rd, 2008 at 8:22 pm
Re: 解決左買野問題未？
未，仲睇緊。老豆想買 DVD 錄影機和機頂盒先，其它遲d至算。都係無意追逐一些不知會否將會被淘汰的格式。
SU和頭目勢成水火，始於當年風月版。如果照你分析，或許他們欲陷頭目於不義，那麼找AD實在是一著高招。但頭目快速地公開解釋和公開信，已算頗為正面回應，起碼已經打破「毁滅圖騰」的謠傳，相反AD所言顯得失實了。
但之後頭目恐怕也要小心行事，避開圖騰去挖洞吧。至於他到底是在挖藏書洞，定還是藏車洞，咨詢與否，其實對人對地都沒有甚麼重大影響，其實有乜所謂？
當年一眾SU反對國內化。現在回想，國內化未嘗不是好事。一眾香港仔水平參差，收多無謂，反而現在多點機會說普通話，多些認識同胞，將來也多點機會回國做事。而同胞們得睹海港風光，未嘗不能多接觸到一點外界事物，帶回家，或更有助國家社會發展。
November 23rd, 2008 at 8:33 pm
這山寨最令人覺得差勁的是沒有遠見，不太支持文化活動。他們不知道文化活動是山寨最好的PR，商業機構尚且需要一些文化來作為化妝。看看，太平山下的山寨和隧道口的山寨都懂得支持崑劇，每次活動都非常high-class，而且弄得天下皆知，
即使獅子山下的山寨也一樣有中國文化所。偏偏九肚山下的對文化不甚推動，而且 PR 甚少，簡直有何面目去見NA先儒！
November 23rd, 2008 at 10:43 pm
都係西貢寨最正，頭目粉墨登場響電視扮博士！