January 25th, 2007 廣陵散 MV

終於成功將 Mbox ProTools Update 到 7.3.1 ，MacBook 用得到。
正版，US$55 下載。

剪片剪極都未剪好，明天演出要用，今晚冇得訓了。
Adobe Premiere 似乎真係唔好用，Final Cut Pro 又唔係太熟。

時間表有了，五日早堂，救命呀。

*******

荃灣大會堂演出，很遙遠。Miss Loo 在後台很緊張，但一出到台講野，就好似節目主持人一樣，很淡定，很能帶起觀眾反應。要一個人彈一整場現代作品，其實實在太不人道了，辛苦了Miss Loo 啊。

終於用 Final Cut Pro 整好了，當日整好當日演出播放，（原來任何 video 演出前一星期要受到電檢署檢查，我們其實是犯規的），可惜不知道為何不能 export 做 mpeg-2，沒有辦法燒成 DVD。畢竟經驗不足，拍的片有不少問題：

1. 演出時用 Notebook 播放，穿崩，見倒 mouse pointer。
2. Notebook 播放有點偏暗，因為在 Notebook 螢幕上看是夠光的，沒有考慮到遠距離 Projector 唔夠光既問題。到底如何調校對比和光暗度才能合乎播放標準呢？
3. 我條片主要係黑白，好像舊時的默片咁，仲要隻手超級 close-up，細螢幕睇okay，放到大螢幕睇，其實效果幾恐怖。正如電視劇會多 close-up，電影不會這樣。
4. 唔夠高清，而且經常手震，仲迷幻過王家衛。
5. 預計不足，拍了三十分鐘左右的 footage，剪下剪下，有用的原來不足七分鐘，搞到最後有D 鏡頭要重覆。
6. 現在 home-made 只能做到一個低質素的創作。加上音樂比較抽像，沒有故事性，到底如何才可以表達樂曲情緒？
6. 剪定的片，很難和現場演奏 synchronize ，夾啱 rhythm。結果條片唔夠演奏長，片完左，Miss Loo 都未彈完。
雖然 video 效果不佳，但總是一個有趣的工作，希望以後有機會認真學一下怎樣拍 video 。936 二年級同學的 MV 一定比我拍得好。;-)

以下附錄我以前彈奏的錄音加上 MV 的 youtube :

******
今天看同學參與小精靈的演出，不錯。