February 21st, 2006 群居的刺猬
Example 1
當一大班人一起在一起說XX的壞話，
但你覺得你認識的XX並不是那樣差，你會如何反應？
- 「係 lor，XX 簡直係賤人。」（見人講人話，
見鬼講鬼話架啦，最緊要埋堆，背後講壞話又有乜所謂？） - 「係呀?」（隨口附和一兩句，費事同佢嗌交。）
- 唔出聲，沉默是金。
- 反駁佢地，指斥佢地的不是，就算最後要嗌交，都要出聲。
Example 2
當你覺得一個人好黑人憎，你會：
- 當佢面鬧佢
- 表面上扮冇野，背後和其它朋友傾偈時再數臭佢。
- 唔講，收埋係心入面，對佢存有戒心，但唔同任何人講。
Example 3
當你覺得上司 / 老師/ 父母 的命令是錯的，你會:
- 照命令辦事，佢話點咪點 lor，冇所謂。
- 照命令辦事，但是心裏面唔服，背後忍不住和朋友 / 同學訴苦。
- 陽奉陰違，明知佢錯，所以私底下唔做，但係冇必要當面指出佢既錯誤。
- 做就照做，但係擺明唔妥，係都要有少少唔依指令去做。
- 反抗到底，死都唔做。
Example 4
你是一個上司/家長/老師，你向下屬/子女/學生提出一個指令，對方唔出聲，
但係照你既說話去做，你會認為:
- 佢真係好乖，好聽話。
- 佢梗係心裏面唔服，但係又唔講。既然如此，無謂拆穿真相，大家詐唔知。
- 問佢係咪好攰，定係唔舒服，希望佢會識相，
答你：「係呀，有D攰，所以冇反應。」 - 話知佢鍾意定唔鍾意，總知佢肯去做就得，根本唔想知道佢既理由。
- 好火滾，即時質問佢係咪唔高興。
- 體諒地問佢係咪覺得有問題。
選擇 3 可能 EQ 較高，但係某程度上其實是想逃避知道真正既答案。
選擇 6 比較坦白，但要看彼此關係如何，如果關係不好，
可能你坦白，對方也不敢對你真誠。
選擇 5 比較痛快，但是結果可能很傷。
選擇 4 是以工作效率行先，對方的感受對你來說毫不重要。
選擇 2 可能表面上大家相安無事，但實際上會越來越疏遠。
選擇 1 自我感覺良好，但是你可能永遠無法理解對方真正的感受。
很多時候人們互相之間心裏面有沒有刺，
但不會在說話裏面講，只會自己知。
然而把自己的刺收藏起來，
卻等於把刺倒過來刺自己，令自己唔開心，
終有一日會忍受唔住爆煲。
試問自己又有沒有試過背後說壞話，陽奉陰違？
有，一定有，只不過當覺得對方是壞人的時候，
講壞話也會覺得自己很理直氣壯。
有沒有試過當面指出對方的錯誤，而不是背後指責？
很少，除非真是忍無可忍。
所以，也能夠理解，
假如別人不喜歡自己，
或者有事情覺得自己做得不對，
通常都不會說出口。
別人表面上讚同自己，可能背後正在不滿。
這也還是小事。
假如做過一個 society / club 的領袖，
就一定會感受過這些開會的情景：
叫莊員出意見，冇人出聲。
(可能大家都怕說錯話，又或者大家都唔想背上責任。)
於是唯有自己出主意，
又冇人表示反對喎。
於是拍板定案，問有沒有人願意做？
又冇人出聲認投。
[complete silence]
於是自己啃左佢黎做，心諗大家都唔肯做，
不如自己一腳踢啦。
okay，成件事做完，evaluation，開始有人話，
咁樣做唔係幾好，跟住大家齊齊和應。
於是這時候你才從夢中驚醒，
發現原來人人心裏都反對，但是竟然沒有一個人在事前提出。
為何會這樣的呢？怎樣可以避免這樣的情況呢？
到頭來會發現，其實做人根本沒有可能令每一個人都喜歡自己。
總會有人喜歡，有人討厭。
介意別人怎樣看自己，
其實正正反映對自己沒有信心，自我形象低落。
「自我感覺良好」的人，才不會介意別人怎樣看。
另一樣事情會警惕的是，
當身邊所有朋友都說某某不好的時候，
要小心，那可能是因為你們同一個群體的人物以類聚，
大家要埋堆，於是大家都只會聽到一面之詞。
假如你走出這個群體，
你可能會聽到完全相反的聲音。
假如一班人一起在說XX不好，你不以為然，
但你也許會像大多數香港人一樣，選擇了沉默。
過了幾年，你會發現這班人會依然以背後嘲笑XX為樂事，
因為他們從來沒有聽到過相反的看法。
假如你夠膽挺身而出，當著他們為 XX 辯謢，
結果會不會有所不同？
但是，香港原來很少人會 voice out 自己的意見。
大多數都比較被動，有意見但係唔出聲。
因為我們從小學到中學，甚至大學的訓練，
就係出聲「冇著數」，唔出聲反而可以「悶聲發大財」。
這就是我們的教育嗎?