April 30th, 2005 阿佳

阿佳

佳：（對著對講機）打飛收銀，焗豬剩一。

（對著顧客）你呢？

（收過一個顧客的票，看寫的是甚麼飯，然後撕掉票子）

一個焗豬。（拿出最後一份焗豬扒飯給顧客）

後面嗰位呢？上前ｄ啦，後面成條龍呀老友。（顧客依言上前）

（一顧客上）

要咩呀？

咩話？又係焗豬。焗豬賣晒攞喎。

（對著對講機）打飛收銀，焗豬賣晒啦。聽唔聽倒呀？焗豬賣晒啦。

（對著顧客）乜晒焗豬啦，轉雞扒飯好唔好？拿，一係雞扒一係牛扒。

都話冇晒焗豬囉，邊有豬扒唧？

你要豬扒，一唔係企係到等多三個字丫？

雞扒丫嘛？都話格啦。要咩汁，快d 講，羊葱、黑椒定咖喱？

(不耐煩）一係羊葱、一係黑椒、一係咖喱呀？

(把飯、雞扒放上碟，淋了黑椒汁）

下個下個。

（一顧客上）

叉燒？叉燒唔係喱邊呀，嗰邊呀姐姐仔。

係呀，燒味嗰邊呀。

（該顧客走去另一邊。）

上前啦老友。

（一顧客上）

又係焗豬？！

（對著對講機）　打飛收銀呀！焗豬賣晒呀。我都話焗豬賣晒啦。

你地係咪聾架？　（氣忿地放下飯碟，衝出去想和櫃檯理論。）（離台）

（派飯的阿佳走了，剩下一班顧客，你眼望我眼，等待，不知怎麼算。）